لا للعري ولا للتحرش

ياجماعة أفهموا


بالعقل أرجوكم تناقش بالعقل وبصراحة

لمرة كده في حياتنا نبقى متحضرين

لأي شخص بيقول إن لبس البنت هو السبب

فيه عندكم حديث / أية قرآنية / تفسير /فتوى لأي شيخ

بتقول إن البنت ولو كانت عارية وأكرر ولو كانت عارية

تبص ليها وتتحرش بيها

ده مفيش أي دين سماوي بيقول كده

فإحنا بنقول كده على أساس إيه

أنا بقول البنت ولو عارية مش من حقك تبص ليها

فاناس وأسمحولي بعد إذنكم المريضة تفسر العبارة دي

يعني إنت عاوز البنت تمشي عارية

ياسبحان الله

حد سمع قرأ

إني كتبت

لازم البنت تمشي عارية
لازم البنت يمشوا لابسين ضيق

أبدا

أنا بكلم الشباب

أي رجل ممكن يبقى مسؤول عن مين

وأرجوكم ركزوا شوية في النقطة دي

الراجل يكون مسؤول عن زوجته / خطيبته / أخته / أمه

إنت تقدر أكيد بعون الله تخليهم محتشمين

لكن هل أي حد قينا يقدر يخلي كل بنات مصر لابسين محتشمين

لأ وألف لأ

فلو أنا وإنت نزلنا في الشارع لمحنا بنت لابسة ياسيدي مش محترم

لا ولا إنت مش حنقدر نجبرها على حاجة

لأننا مالناش علاقة بيها مه لا أختنا ولا أمنا ولا زوجتنا

إنما نقدر نعمل زي الحديث الشريف

( من رأى منكم منكرا فليغيره بيده .. فإن لم يستطع فبلسانه .. فإن لم يستطع فبقلبه .. وذلك أضعف الإيمان )

أو ننشئ جروب للأحتشام

أو نعمل حملة للحجاب

كل ده صح وشرعي

لكن هل من دينا وهل من شرعنا

إن البنت لو لابسة مش محترم نبص عليها

اللي معترض على كلامي من فضلكم يجيب الدليل الشرعي

مش معترض وخلاص

قال الله عز وجل في محكم تنزيله

بسم الله الرحمن الرحيم (قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ

أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ

فُرُوجَهُنَّ ) الآية (النور:30-31 .

ربنا ماقلش

قل للمؤمنين غضوا أبصاركم ولو البنات لابسين ضيق بصوا براحتكم

الأمر للمؤمنين بغض البصر في المطلق

مالناش دعوة البنات لابسين إيه

ده للمؤمن الحق طبعا

ومافيش أي شيخ في مدار التاريخ الإسلامي كله

وفي كل كتب المفسرين وعلى مسؤوليتي الشخصية

فسر الأية دي بأن ده دعوة للعري للمرأة

ياناس أتقوا الله ربنا يكرمني ويكرمكم

التحرش مالوش أي علاقة بالبس بتاع البنت

وبلاش نلبس الحق بالباطل وإحنا عارفين إنه باطل


أنا ليا قريبة منقبة والله العظيم

وأقسم بالله متزوجة ومخلفة كمان

وأقسم بالله كانت في يوم ماشية في المهندسين

وأتعاكست

والله العظيم منقبة ومتزوجة ومخلفة واتعاكست


لا للتحرش بجميع أنواعه وأشكاله

ولا للعري يجميع انواعه وأشكاله